Alisson: "Inter" futbolchilari bundan faxrlanishlari kerak"

"Liverpul" va Braziliya terma jamoasi darvozaboni Alisson Bekker UEFA Chempionlar ligasi 1/8 finalining "Inter"ga qarshi javob uchrashuvi (0:1) natijasi haqida fikr bildirdi.

“Tan olishimiz kerak, “Inter” yuqori toifali futbolchilarga ega ajoyib jamoa. "Inter" futbolchilari ushbu o'yindagi harakatlaridan faxrlanishlari kerak. Ular turnirning keyingi bosqichiga yo'l olish uchun bor kuchlarini maydonga tashlashdi.

Mag'lubiyatdan norozi bo'ldik, biroq mana shunday og'ir o'yindan so'ng keyingi bosqichga yo'l olganimizdan xursandmiz. Qiyin bo'lishini oldindan bilardik. Kelgusi o'yinlarda yaxshiroq o'ynashimiz kerak", - deya Alissonning so'zlaridan iqtibos keltiradi Sky Sports Italia.