Messi va Ronalduning yangi vorisi kim? Iguain javob berdi

«Inter Mayami»ning argentinalik hujumchisi Gonsalo Iguain Lionel Messi va Krishtianu Ronalduning vorislariga aylanadigan futbolchilar nomini aytdi.

Iguainning aytishicha, Messi va Ronaldu ketganidan so'ng Kilian Mbappe va Erling Xoland raqobat bo'yicha ularning vorislariga aylanishi mumkin. Gonsalo Mbappening «Real»ga o'tishini intiqlik bilan kutayotganini, chunki frantsiyalik hujumchi madridliklarning o'yiniga mos kelishini ta'kidladi.

Eslatib o'tamiz, Madridning «Real» klubi yozgi mavsumda Mbappe va Erling Xolandni sotib olishga harakat qilmoqda. Norvegiyalik futbolchining xizmatlariga «Manchester Siti» va «Barselona» ham qiziqish bildirmoqda.