«Vanfore Kofu» klubi Samarqand bolalar akademiyasi bilan o'rtoqlik o'yini o'tkazdi

O'zbekiston futbol assotsiatsiyasi mamlakatimizda bolalar futbolini rivojlantirish, futbolni yanada ommaviylashtirish borasida bir qator chora-tadbirlar amalga oshirilmoqda.   Jumladan, Yaponiyaning “Vanfore Kofu” futbol klubi mamlakatimizning bir qator bolalar va o'smirlar futbol akademiyalari bilan xalqaro o'rtoqlik uchrashuvlarini o'tkazish maqsadida O'zbekistonga tashrif buyurgani haqida xabar berib o'tgandik.    Kecha Samarqandda yaponiyalik futbolchilar viloyat bolalar va o'smirlar futbol akademiyasi bilan o'rtoqlik o'yini o'tkazdi. Uchrashuv haqiqiy bayramona tarzda tashkil qilindi. O'yin oldidan Yaponiya klubi murabbiylariga zarbof chopon kiydirildi hamda esdalik sovg'alari topshirildi.    Uchrashuv shiddatli va kurashlarga boy tarzda tashkil qilindi. Birinchi bo'lim Samarqand bolalar va o'smirlar akademiyasi tarbiyalanuvchilarining 2:0 hisobidagi g'alabasi bilan yakunlandi. Ikkinchi taymda akademiya jamoasi ustozi ikkinchi tarkib futbolchilarni maydonga tushirdi. Natijada yaponiyalik futbolchilar 4ta gol urib g'alabani o'zlari tomon og'dirishga muvaffaq bo'lishdi.    Bugun "Vanfore Kofu" jamoasi Toshkentga etib keladi. Yaponiya klubi "Chig'atoy"da Toshkent bolalar va o'smirlar akademiyasi tarbiyalanuvchilariga qarshi o'rtoqlik o'yini o'tkazishadi.