Abdujamol Isroilov: «Istiqlol» ga qaytayotganimdan xursandman!»

“Navbahor” yarim himoyachi Abdujamol Isroilov “Bunyodkor”ga qarshi o'yin oldidan fikrlarini bildirib o'tdi. 

“Mashg'ulotlar o'zgacha ruhda, evropacha uslubda kechmoqda. Unda barchamiz astoydil ishtirok etyapmiz. Oldingi turlardagi “Qo'qon-1912” va “Lokomotiv” klublariga qarshi kechgan bahslarda g'alaba qozona olmadik. 

Endi 6 aprel kuni “Bunyodkor”ga qarshi kechadigan o'yinda zafar quchish, muxlislarga quvonch ulashish uchun barcha mahoratimizni ishga solamiz. 

Fursati kelganida ta'kidlash joizki, “qaldirg'ochlar” bilan bo'ladigan bahs Farg'onadagi “Istiqlol” stadionida kechayotgani, ushbu o'yingohga yana qaytayotganimdan xursandman. 

Boisi, avvalgi mavsumlarda Farg'onaning “Neftchi” jamoasi tarkibida 1,5 yil o'ynaganman hamda ushbu o'yingoh men uchun ancha qadrdon. Shuning uchun “Navbahor”ning joriy mavsumdagi ilk

g'alabasini menga qadrli bo'lgan stadionda nishonlasak, yanada yoqimli va quvonchli bo'lardi. Ilohim, men uchun qadrli o'yingoh bo'lgan “Istiqlol” bizga omad keltirsin!

Jamoamiz muxlislarini 6 aprel kungi o'yinga taklif etaman. Siz aziz muxlislarning qo'llab-quvvatlashlari bizga ruhiy kuch-quvvat hamda zafar quchish uchun madad beradi. Kelayotgan shanba oqshomida bu yilgi ilk g'alabamizni birgalikda nishonlash barchamizga nasib etsin, ilohim!”, - deydi Isroilov.