"Yuventus" futbolchisi jamoada qolishga tayyor

«Yuventus» futbolchisi Mattia de Shilo jamoada qolishni rejalashtirmoqda.

Tuttojuve xabariga ko'ra, italiyalik himoyachi «Yuventus» bilan shartnomasini uzaytirmoqchi. Turinliklar Mattiaga maoshini sezilarli darajada kamaytirgan holda yangi shartnoma taklif qilishga tayyor. O'z navbatida de Shilo klubda o'zini qulay his qilmoqda va bunday shartlarga rozi bo'lishga tayyor.

29 yoshli himoyachi joriy mavsumda «Yuventus» safida barcha turnirlarda 20 ta o'yinda maydonga tushib, bitta gol urdi va ikkita golli uzatmani amalga oshirdi. De Shiloning klub bilan shartnomasi 2022 yilning 30 iyuniga qadar mo'ljallangan va uning transfer qiymati Transfermarkt portalida 6 million evroga baholangan.