«Real» futbolchisi A seriya klubiga o'tishi mumkin

Italiyaning «Atalanta» klubi kelasi mavsum uchun yangi hujumchi qidirmoqda. Jamoa Duvan Sapata bilan xayrlashishga tayyor. Kolumbiyalik futbolchiga Premer-liga jamoalaridan bir nechta takliflar bor, italiyaliklar ulardan birini qabul qilishga tayyor.

«Atalanta» kolumbiyalik futbolchining o'rniga «Real» futbolchisi Luka Yovichni sotib olmoqchi. Serbning bozor qiymati 20 million evroni tashkil qiladi.

Ma'lumot o'rnida, Yovich ushbu mavsum «Real»ning La Liga doirasidagi 13 ta o'yinda maydonga tushib, 1 gol va 2 golli uzatma muallifiga aylangan.