Yana ikki terma jamoa Rossiyaga boykot e'lon qildi

Norvegiya va Uels terma jamoalari Rossiya terma jamoasiga qarshi o'ynashdan bosh tortganliklarini e'lon qilishdi. Bu haqda Norvegiya futbol ittifoqi va Uels futbol assotsiatsiyasi ma'lum qildi. Bunga Ukrainadagi voqealar sabab bo'ldi.

Shu tariqa, avvalroq Polsha, Shvetsiya, Chexiya, Angliya va Albaniya futbol federasiyalari tomonidan ham Rossiya terma jamoasiga qarshi o'yinlarni boykot e'lon qilgan edi.  

Xalqaro futbol federatsiyasi (FIFA) avvalroq Rossiya terma jamoasi Rossiya futbol ittifoqi (RFS) jamoasi nomi ostida, bayroq va madhiyasiz o'ynashi haqida qaror qabul qilgan edi.