"Chelsi", "Barselona" va "Real" bir futbolchi uchun kurash olib borishmoqda

"Sky Sports" jurnalisti Florian Plattenbergning xabar berishicha, "Sevilya" himoyachisi Jyul Kunde Evropa grandlari e'tiborida bo'lib turibdi.

Manbaga ko'ra, 23 yoshli frantsiyalik futbolchining agentlari bilan "Chelsi", "Barselona" va "Real" muzokaralar olib bormoqda. Qayd etilishicha, "Bavariya" Kundega da'vogarlar safida emas.

2021/22 yilgi mavsumda frantsuz andalusiyaliklar tarkibida 30 ta o'yinda ishtirok etib, 1 ta gol va 1 ta golli uzatmani amalga oshirdi. "Transfermarkt" portali uning narxini 60 million evroga baholagan.