“Barselona” prezidenti – Xolandning transferi haqida: “Bu qiyin masala, ammo...”

"Barselona" prezidenti Joan Laporta Erling Xoland bilan shartnoma imzolashni qiyin vazifa deb atadi.

"Biz eng yaxshi o'yinchilarni o'z jamoamizga taklif qilmoqchimiz. To'g'ri, Xoland bilan shartnoma imzolash qiyin masala, lekin biz bunga harakat qilib ko'ramiz”, — deydi Joan Laporta.

Avvalroq, ispan matbuoti Xolandning transferi Kataloniya jamoasi uchun asosiy vazifa ekanini bir necha bor ta'kidlagan edi. Shuningdek, norvegiyalik futbolchiga La Liganing boshqa jamoasi “Real” ham qiziqish bildirgan.

Xoland joriy mavsum Bundesliga doirasidagi 14 o'yinda maydonga tushib, 16 gol va 5 golli uzatma muallifiga aylangan.