"Shaxtyor" legionerlarni evakuatsiya qilishga urinmoqda

Donetskning "Shaxtyor" klubi bosh direktori Sergey Palkin klub rahbariyati Kievdan legionerlarni evakuatsiya qilishga urinayotganini aytdi.

"Biz xorijliklarni va ularning oilalarini qanday qilib evakuatsiya qilish variantlarini topishga harakat qilyapmiz. Bilishimcha, Sulaymon va Tete allaqachon Ukrainadan tashqarida. Klub xodimlari - uyda, bomba boshpanalarida, erto'lalarda, metroda. Iloji bo'lsa, oilalar evakuatsiya qilinadi.

Xabarlarga ko'ra, xodimlar va ularning oila a'zolari orasida qurbonlar yo'q. Biz ichkarida aloqani davom ettirishga, ma'lumot almashishga, bir-birimizni qo'llab-quvvatlashga harakat qilamiz", - deya Palkinning so'zlarini keltirgan klub matbuot xizmati.

Eslatib o'tamiz, "Shaxtyor"ni italiyalik mutaxassis Roberto De Zerbi boshqaradi. U ham uyga qaytishni xohlamoqda.