Shvetsiya Rossiya bilan o'ynashdan bosh tortdi

Shvetsiya terma jamoasi JCh-2022 saralashida Rossiya terma jamoasi bilan o'ynamaydi. Bu haqda Shvetsiya futbol federatsiyasi o'zining rasmiy saytida ma'lum qildi.

Agar Rossiya va Shvetsiya terma jamoalari o'zaro o'ynashi kerak bo'lsa, Shvetsiya termasi uchrashuv o'tkaziladigan joydan qat'i nazar, o'yinda ishtirok etmaydi.

Bundan tashqari, Shvetsiya federatsiyasi FIFAni Rossiya ishtirokidagi mart oyidagi pley-off o'yinlarini bekor qilishga chaqirdi.

“FIFA iltimosimizni qondirmasligiga ishonish qiyin. Bu jinnilik davom etar ekan, Rossiya musobaqalarga qo'shila olmaydi”, dedi Shvetsiya federatsiyasi prezidenti Karl-Erik Nilsson.