AGMK "Metallurg"ga qarshi o'yinga tayyorgarlikni Toshkentda davom ettirmoqda

Jamoa Antaliya yig'inidan qaytgach qisqa 2 kunlik ta'til berildi va 23 fevraldan e'tiboran Toshkentda yig'ilib, Superliganing 1-tur o'yiniga taraddud boshlandi.

Kuni kecha jamoa futbolchilari O'FA ilmiy guruhi vakillari tomonidan olingan normativ testlarni topshirdi.

Shuningdek, jamoaning yosh a'zolari, himoyachi Iskandar Bo'sinov va yarim himoyachi Nodir Abdurazzoqov Ravshan Haydarov boshchiligidagi O'zbekiston yoshlar terma jamoasidan chaqiruv olishgan va ayni paytda terma jamoa yig'inida qatnashishmoqda. Antaliyadagi yig'inda elkasidan jarohat olgan Anzur Ismoilov esa jamoa bilan mashg'ulotlarda ishtirok etmoqda.