Allegri «Biz chempionlik poygasidan chiqdik»

Turinning «Yuventus» klubi bosh murabbiyi Massimiliano Allegrining fikricha, Turin klubi chempionlik uchun davogar emas.

«Biz chempionlik poygasidan chiqdik. A seriyada g'alaba qozonish uchun 85 ochko to'plashimiz kerak, menimcha, biz bu natijaga erisha olmaymiz. Biz hali Italiya kubogi yarim finalida «Fiorentina»ga qarshi va Chempionlar ligasida «Vilyarreal»ga qarshi o'ynaganimiz yo'q. Ayni damda mavsum yaxshi o'tmoqda. Hozircha ikkita musobaqada g'alaba qozonish imkonimiz bor», - deya fikr bildiradi italiyalik mutaxassis.

26-turdan keyin «Yuventus» A seriyada peshqadam «Milan»dan 10 ochko ortda qolib, to'rtinchi o'rinda bormoqda.