Rangnik: «Men uning xafa bo'lishiga sabab ko'rmayapman»

«Manchester Yunayted» bosh murabbiyi Ralf Rangnik hujumchi Markus Reshfordning ingliz klubidan norozi bo'lishi uchun hech qanday sabab ko'rmayapti.

«Reshford baxtsizmi? Men uning baxtsiz bo'lishi uchun hech qanday sabab ko'rmayapman. Hozirda Markus o'zining eng yaxshi formasi va o'yinini topishga harakat qilmoqda, biz esa unga qo'limizdan kelganicha yordam berishga harakat qilmoqdamiz», - deya fikr bildiradi Rangnik.

Reshford joriy mavsumda «Yunayted» safida barcha turnirlar doirasida 22 ta o'yinda maydonga tushib, 5 ta gol va 2 ta golli uzatmani amalga oshirdi. 24 yoshli forvardning shartnomasi 2023 yilning yoziga qadar mo'ljallangan.