"Manchester Yunayted" Ryudigerni tekinga qo'lga kiritmoqchi

"Manchester Yunayted" "Chelsi" himoyachisi Antonio Ryudiger bilan jamoasni kuchaytirishga harakat qiladi. Bu haqda Daily Mirror nashri xabar bermoqda.

"Qizil iblislar" 28 yoshli germaniyalik futbolchini 2022 yilning yozida o'z safiga qo'shib olmoqchi. Ryudigerning "Chelsi" bilan shartnomasi 2021/22 yilgi mavsum oxirida tugaydi va tomonlar haligacha shartnomani uzaytirish borasida kelisha olishmagan.

Avvalroq OAV Ryudigerga "Real" va "PSJ"dan qiziqish borligi haqida yozgan edi. Bu klublar, mish-mishlarga ko'ra, futbolchiga "Chelsi"dagidan ancha ko'proq pul to'lashga tayyor.