Jeko yoshligida qaysi jamoaga muxlislik qilgan?

Bosniyalik hujumchi Edin Jeko yoshligini esladi. U 1998 yilda UEFA kubogi finalida «Inter» «Latsio»ni mag'lub etganidan beri bu jamoaga ko'proq muxlislik qilishini aytdi. 

«O'shanda Italiyada bo'lib, bolalar o'rtasidagi turnirda qatnashganman. 1998 yil edi. UEFA kubogi finali bo'lib o'tishiga oz vaqt qolgandi, unda «Inter» «Latsio»ni 3:0 hisobida mag'lub etgandi.

«Inter»ni qo'llab-quvvatlagan yigitlar bilan o'yinni tomosha qildim. Shunday qilib o'zim ham klubga muxlislik qilishni boshladim.

Olti yoshligimda Bosniyada urush boshlandi, ammo otam menga futbol o'ynash imkoniyatini berganida bu hamma narsadan ustun keldi», - deydi Jeko.