"Neftchi" futbolchilari test-normativlarini topshirishdi

Bugun Qirgulidagi "Neftchi" SK stadionida farg'onalik futbolchilar test-normativlarni topshirishdi.

Test – normativlarni O'zbekiston futbol assotsiatsiyasi (O'FA) Test-normativlarni topshirish bo'yicha komissiya raisi, O'zbekiston – U-17 o'smirlar terma jamoasi bosh murabbiyi Rauf Inileev va O'FA ilmiy-metodik bo'limi boshlig'i Shamil Iseevlar olishdi.

Ta'kidlash joizki, O'FA tomonidan har yili mavsum starti va ikkinchi davra o'yinlari oldidan futbolchilarning jismoniy holatini aniqlash maqsadida test-normativlari o'tkazib kelinmoqda.
Bundan ko'zlangan asosiy maqsad, futbolchilarning yangi mavsumga jismoniy jihatdan to'liq tayyorgarliklariga ishonch hosil qilishdan iboratdir.

Manba: "Neftchi" klubi matbuot xizmati