Bugun qur'a. Konferentsiyalar ligasi nimchorak final bosqichi qur'asi haqida batafsil ma'lumot

UEFA joriy mavsumdan boshlab yangi musobaqa — Konferentsiyalar ligasini o'tkazib kelmoqda.

Guruh bosqichidan so'ng 2-o'rinni egallaganlar bu bosqichda Evropa ligasi guruh bosqichida 3-o'rinni egallagan klublar bilan to'qnash kelishdi. O'tkazilgan uchrashuvlar natijasida chorak finalga chiqqan 8ta jamoaning nomi aniq bo'ldi.

Bugun esa Konferentsiyalar ligasi musobaqasining nimchorak final bosqichiga qur'a tashlash marosimi bo'lib o'tadi. Ushbu tadbir haqida muhim ma'lumotlarni e'tiboringizga havola etamiz.

Qachon?
Qur'a tashlash marosimi bugun — 25 fevral, juma kuni UEFA qarorgohi joylashgan Non shahrida bo'lib o'tadi. Tadbir Toshkent vaqti bilan 17:00da boshlanadi.

Ishtirokchi-jamoalar
Yuqorida aytib o'tganimizdek, qur'ada 16ta jamoa ishtirok etadi. Konferentsiyalar ligasi guruh bosqichida 1-o'rinni egallaganlar 1-savatchadan, 1/16 final bosqichidan muvaffaqiyatli o'tgan klublar 2-savatchadan o'rin olishadi.

1-savatcha:
"Alkmaar"
"Bazel"
"Gent"
"Kopengagen"
LASK
"Renn"
"Roma"
"Feyenoord"

2-savatcha:
"Bude-Glimt"
"Vitess"
"Lester"
"Olimpik"
PAOK
"Partizan"
PSV
"Slaviya" Praga

Cheklovlar bormi?
Ha. Bir mamlakat vakillari ushbu bosqichda o'zaro to'qnash kelishmaydi.

Nechta o'yin?
Nimchorak final bosqichida jamoalar uy va safar tizimida ikki martadan to'qnash kelishadi. 1-savatcha vakillari javob bahsini o'z uylarida o'tkazishadi. Pley-off bosqichida "safarda urilgan gol" qoidasi amalda bo'lmaydi.

O'yinlar qachon o'tkaziladi?
Dastlabki uchrashuvlar 10 mart kuni bo'lib o'tadi. Javob bahslari esa 17 mart kuniga belgilangan.

Keyin-chi?
Ushbu bosqich g'oliblari chorak finalga yo'l oladi. Mag'lub bo'lganlar musobaqani tark etishadi. Chorak finalga qur'a tashlash marosimi 18 mart kuni bo'lib o'tadi.