Rabo masalasida «Barselona» aybdormi?

«Pari Sen-Jermen» sport direktori Antero Enrike yarim himoyachi Adrien Raboning onasi Veronik Raboning so'zlariga izoh berib o'tdi. Futbolchining onasi yozda "Barselona" Adrienning transferi borasida taklif yuborgani, ammo parijliklar uni sotmagani haqida aytib o'tgandi.

«Veronik Rabo fikrlari meni hayron qoldirdi. Uning aytishicha, biz yozda Adriennning transferi borasida "Barselona"dan taklif olganmiz. Ha, bu haqiqat. Ammo taklif avgust oyining so'nggi kunida — transfer oynasi yopilishiga 20 soat qolganida kelib tushdi. Bu shundan dalolat beradiki, "Barsa" avval futbolchining o'zi bilan kelishib olib, shundan so'ng bizga murojaat qilgan.

Bitta narsani tushunish lozim, «Barselona»ning taklifi kulgili edi. Bu taklif bizga nisbatan hurmatsizlik edi va u bizni qiziqtirmadi. Rabo kabi futbolchilarning transferi bir kunda hal bo'ladigan ish emas. Nazarimda, «Barselona» avvalroq futbolchi bilan kelishuvga erishib bo'lgan.

Tushuning, biz Rabo bilan shartnomani uzaytirish borasida printsipial kelishuvga erishgandik. Ammo keyinchalik futbolchi hech qanday sabablarsiz muzokaralarni to'xtatib qo'ydi. Ishonchim komil, Adrien boshqa jamoa bilan kelishib qo'ygani uchun shunday yo'l tutdi.

«Barselona»ning harakatlaridan hayron bo'ldimmi? Klublar qoidalarga amal qilishmasa, bu holat hamisha shokka tushiradi.

Rabo qishdayoq «PSJ»ni tark etishi mumkinmi? Adrien menga shuni aytdiki, u klubda qolishni istamaydi», — dedi Enrike.

Avvalroq OAVda Rabo yanvar oyida «Barselona» bilan shartnoma imzolab, yozda erkin agent sifatida "ko'k-anorranglilar" safiga o'tishi haqida xabar tarqalgandi.