Isak uchun kurashda «Barselona»ga raqib paydo bo'ldi

«Barselona» «Real Sosedad» hujumchisi Aleksandr Isakka qiziqish bildirmoqda.

Ammo Diario Sport ma'lumotlariga ko'ra, «Barselona»ning bu yo'lda jiddiy raqibi bor - bu Londonning «Arsenal» klubi.

Biroq, londonliklar xuddi «Barselona» kabi uning uchun darhol 80 million evro to'lashga tayyor emas. Bu 22 yoshli shvetsiyalik hujumchining shartnomasida ko'rsatilgan tovon puli hisoblanadi.

Qizig'i shundaki, Arteta Isakni «Barselona»ga endigina ko'chib o'tgan Per-Emerik Obameyangning o'rniga ajoyib o'rinbosar sifatida ko'radi.