OFK kubogi. O'zbekiston klubi guruh bosqichini Dushanbeda o'tkazadigan bo'ldi

Osiyo futbol konfederatsiyasi 2022 yilgi OFK kubogining markazlashgan holda o'tkaziladigan guruh bosqichiga mezbonlik qiladigan mamlakatlarni e'lon qildi. Markaziy Osiyo klublari o'rin olgan "E" va "F" guruhlariga Tojikiston va Qirg'iziston muzbonlik qiladigan bo'ldi. Uchrashuvlar 24-30 iyun kunlari tashkil etiladi.

O'zbek klubi o'rin oladigan "E" guruhi uchrashuvlari Dushanbe shahrida bo'lib o'tadi. Musobaqada yurtimiz sharafini "Nasaf" yoki "So'g'diyona" himoya qiladi. Qarshiliklar Osiyo chempionlar ligasi saralash bosqichidan muvaffaqiyatli o'tishsa, OFK kubogida "So'g'diyona" qatnashadi. Aks holda "Nasaf"ning o'zi OFK kubogida o'z ishtirokini davom ettiradi. Ushbu guruhdan, shuningdek, "Oltin Asr" (Turkmaniston), "Neftchi" (Qirg'iziston) va TsSKA (Tojikiston) klublari o'rin olishdi.