Osiyo kubogi-2023 saralash. O'zbekistonning taqvimi ma'lum bo'ldi

Bugun 2023 yil Xitoyda bo'lib o'tadigan Osiyo kubogining saralash bosqichiga qur'a tashlandi. Unga ko'ra, O'zbekiston milliy terma jamoasi Tailand, Maldiv va Shri Lanka bilan "C" guruhidan o'rin oldi.

Vakillarimiz ishtirok etadigan saralash uchrashuvlari Namanganda bo'lib o'tishi rejalashtirilgan bo'lib, bahslar 8, 11 va 14 iyun kunlari o'tkaziladi. Milliy jamoamiz dastlab Shri Lanka, oradan 3 kun o'tib esa Maldiv bilan to'qnash keladi. 14 iyun kuni esa bizni Tailandga qarshi hal qiluvchi uchrashuv kutib turibdi.

Eslatib o'tamiz, guruh g'oliblari va guruhlarda ikkinchi o'rinni egallaganlar orasida eng yaxshi ko'rsatkichga ega bo'lgan 5ta terma jamoa final bosqichi yo'llanmasini qo'lga kiritadi.

Manba: stadion.uz