"Tottenxem" Loris o'rniga Ispaniyadan darvozabon sotib olmoqchi

"Marca" nashrining ma'lumotiga ko'ra, Angliyaning "Tottenxem" klubi "Atletik" darvozaboni Unai Simonga qiziqish bildirmoqda.

Manbaga ko'ra, "shporlar" 24 yoshli kiperni o'zining 35 yoshli darvozaboni Ugo Lorisga o'rinbosar sifatida ko'rmoqda.

2021/22 yilgi mavsumda Simon bilbaoliklar safida barcha turnirlarda 23 ta o'yinda ishtirok etib, o'z darvozasidan 19 ta gol o'tkazib yuborgan.

"Transfermarkt" portali futbolchining narxini 25 million evroga baholagan.