"Real" yaxshi saviyadagi yarim himoyachi bilan shartnoma imzolashi mumkin

Madridning "Real" klubi "Napoli" yarim himoyachisi Fabian Ruisga qiziqish bildirmoqda. Bu haqda taniqli insayder Nikolo Skira o'z sahifasida xabar qoldirdi.

Ma'lum bo'lishicha, Madrid klubi futbolchini hozirda yaqindan kuzatib bormoqda. "Qirollik klubi" bosh murabbiyi Karlo Anchelottining shaxsan o'zi ushbu transferni jamoa mutasaddilaridan so'ragan. Ruisning o'zi Ispaniyaga qaytishga qarshi emas.

Ma'lumot o'rnida, ispaniyalik yarim himoyachi "Napoli" safida 2018 yildan buyon o'ynab keladi. "Transfermarkt" portali Fabianni 55 million evroga baholagan.