Maskerano: "Avvaliga Gvardiola meni "Barselona"ga olib kelishni xohlamagan"

«Barselona»ning sobiq himoyachisi argentinalik Xaver Maskerano Kataloniya klubiga faqatgina Lionel Messi sabab kelganini aytdi. Messi Maskerano haqida gap ochganida Gvardiola dastlab bu tashabbus haqida eshitishni xohlamadi.

- Janubiy Afrikada bo'lib o'tgan jahon chempionati vaqtida Messi Gvardiolaga meni «Barselona»da ko'rishni istayotganini aytgandi. Lekin u eshitishni xohlamadi, mening xarakterimdan qo'rqdi. Gvardiola ishondiki, agar ular meni doim maydonga tushirmasa, men norozi bo'laman va e'tiroz bildiraman.

Shuning uchun avvaliga Gvardiola bilan uchrashdik va bularning barchasini muhokama qildik. U darhol zaxirada qolishimni va zaxirada maydonga tushishimni aytdi. Mening uslubim jamoaga mos kelmadi, lekin moslashishga va'da berdim. Endi aytmoqchimanki, Gvardiola mening faoliyatimdagi eng yaxshi murabbiy bo'lgan, - deydi Maskerano, TyC Sport bilan suhbatda.