Odriosola "Real"ga qaytish niyatida

Himoyachi Alvaro Odriosola «Fiorentina»ga to'liq o'tishga qiziqmayapti. Bu haqda ispan OAVlari xabar bermoqda.

Eslatib o'tamiz, «Fiorentina» Odriosolani «Real»dan 2021/2022 yilgi mavsum oxirigacha ijaraga olgan edi. Florentsiyaliklar Odriosolaning shartnomasini sotib olishga qarshi emas, lekin futbolchining o'zi «Real»ga qaytib, asosiy tarkibdagi o'rin uchun kurashmoqchi.

Joriy mavsumda Alvaro A Seriyada 20 ta o'yinda maydonga tushdi. U o'zining shaxsiy hisobiga bitta gol va bitta golli uzatma yozdirib qo'ydi.