"Benfika" murabbiyi: "Evropaning kuchli jamoalaridan biriga qarshi o'ynaymiz"

"Benfika" klubi murabbiyi Nelson Verissimoning fikricha, "Benfika" va "Ayaks"ning Chempionlar ligasida g'alaba qozonish imkoniyatlari teng.

«Men murabbiy sifatida Chempionlar ligasida debyutimni o'tkazaman. Bu muhim o'yin, lekin jamoa uchun mendan ham muhimroq. Biz kuchli jamoa bilan, Evropaning eng yaxshilaridan biriga qarshi o'ynaymiz.

"Ayaks"ning kuchli tomonlari bor, lekin biz foydalanmoqchi bo'lgan zaif tomonlari ham yo'q emas. Bu oson bo'lmasligini bilamiz, lekin bizda ishtiyoq kuchli.

To'pni ushlab turish va to'psiz yaxshi harakat qilishimiz kerak. Imkoniyatlar 50/50 deb o'ylayman», - dedi «Benfika» bosh murabbiyi vazifasini bajaruvchi.