"Navbahor" "Nasaf" bilan o'yinga tayyorgarlikni boshladi

Xabaringiz bor, "Navbahor" a'zolari Turkiyaning Antalya shahridagi o'quv-mashg'ulot yig'inini 20 fevral kuni yakunlab, yurtimizga qaytib kelishgandi. 

Ikki kunlik tanaffusdan so'ng, “lochinlar” bugundan yangi mavsumning ilk o'yini, ya'ni, 3 mart kuni “Nasaf”ga qarshi kechadigan bahsga tayyorgarlikni boshlab yuborishdi.

“Navbahor” a'zolari bugungi mashg'ulotni Samvel Babayan boshchiligidagi murabbiylar shtabi qo'l ostida “Markaziy” o'yingoh zaxira maydonida olib borishdi.

Futbolchilar murabbiylar shtabi tomonidan berilgan bugungi mashqlarni ko'tarinki ruh va quvnoq kayfiyatda bajarishdi.

Eslatib o'tamiz, Cuperliganing 1-turidan o'rin olgan “Navbahor” – “Nasaf” uchrashuvi 3 mart kuni Namangandagi “Markaziy” o'yingohda soat 18:30 da start oladi.