"Milan" yozgi transfer oynasi uchun qancha mablag' sarflashi ma'lum bo'ldi

"Milan" yozda o'z tarkibini kuchaytirishni istamoqda.

Italiya klubi bir nechta pozitsiyalarni mustahkamlashga umid qilmoqda. "Gazette Dello Sport" nashrining xabar berishicha, "rossonerilar" navbatdagi transfer oynasida 100 million evroga yaqin mablag' ishlatishmoqchi.

Short-listdan "Lill" futbolchilari Sven Botman va Renatu Sanchesh o'rin olgan. Har ikki o'yinchining narxi 30 million evro atrofida.

Shuningdek, Italiya klubi hujum chizig'ini kuchaytirishni rejalashtirgan. Buning uchun klub e'tiborini “Reyms”ning to'purari Yugo Ekitikega qaratgan. Futbolchining transferi taxminan 40 million evroga baholagan.