Ayollar o'rtasida O'zbekiston Superkubogiga "Lokomotiv" stadioni mezbonlik qiladi

Shu yilning 19 mart kuni ayollar o'rtasida O'zbekiston Superkubogi uchrashuvini o'tkazish rejalashtirilgan. Unda O'zbekiston chempioni va mamlakat kubogi sohibi sifatida "So'g'diyona-W" hamda vitse-chempion sifatida "Bunyodkor-W" jamoalari o'zaro saf tortadi.

Uchrashuvni neytral maydonda va yuqori saviyada tashkil etish zaruriyatidan kelib chiqib, mazkur bellashuvni o'tkazishda "Lokomotiv" stadionidan foydalanishga qaror qilindi.

"Lokomotiv" futbol klubi va O'zPFL Superkubok masalasida kelishib oldi. Endilikda ushrashuvni yuqori saviyada tashkil etish yuzasidan hamkorlikda ish olib boriladi.

19 mart kungi bellashuv 16:00 da start oladi.