Futzal. “Bunyodkor”ning uch o'yinida uch xil natija

Futzal bo'yicha mamlakat chempionati 8-turining uchinchi kungi bahslari ham nihoyasiga etdi. Kutilmagan natija sifatida “Bunyodkor”ning “Lokomotiv” ustidan qozongan g'alabasini aytish mumkin. O'yin taqdirini uchrashuvning so'ngi uch daqiqasi hal qildi. Shu daqiqagacha darvozalar daxlsizligi saqlanib kelinayotgandi, 37-daqiqaning o'zida tomonlar bir marotabadan gol urishdi. Qolgan daqiqalar  “qaldirg'ochlar”ga ataldi -  ikki daqiqada ikkita gol va muhim g'alaba. “Huaxin-Jizzax” “Nasaf”ni, AGKM esa “Neftchi”ni mag'lubiyatga uchratdi. Umuman, oltilik jamoalarining uch kunlik o'yinlarida yuz foizli natijani faqat “Huaxin-Jizzax” qayd eta oldi xolos. AGMK ikkita uchrashuvdan olti ochko ishladi, olmaliqliklar faqat jizzaxliklarga mag'lub bo'lishdi. Yuz foizli “antinatija” ko'rsatgan jamoaning o'zi bo'lmadi. Faqat uch o'yinda uch xil natijani “Bunyodkor” namoyish eta oldi – yutuq, durang va mag'lubiyat. Ertadan chempionatning qolgan olti jamoasi bahslarga kirishadi.  

Futzal.  Oliy liga. 8-tur.

Uchinchi  kun.  23 fevral, chorshanba

Farg'ona. “Samo” sport majmuasi.

HUAXIN-JIZZAX – NASAF – 4:1 (2:1). 36 tomoshabin.

Hakamlar:  Jamoliddin Qosimov, Sanjar Rahmonov, Mahmud Rustamov

Nazoratchi: Baxtiyor Namozov

Komissar: Jahongir Rahmatullaev

Gollar: Ixtiyor Ropiev (3), Dilshod Rahmatov (9), Husniddin Nishonov (33, 34) – Baxtiyor Baratov (18)

Ogohlantirishlar: Ilhomjon Hamroev (40), Davron Choriev (40) – Oybek Polvonov (8), Baxtiyor Baratov (9), Alisher Yusupov (21, bosh murabbiy), Akbar Abraev (34)

BUNYoDKOR – LOKOMOTIV – 3:1 (0:0). 43 tomoshabin.

Hakamlar: Nikita Afinogenov, Umid Po'latov, Murodxon A'zamjonov

Nazoratchi: Baxtiyor Namozov

Komissar: Jahongir Rahmatullaev

Gollar: Umidjon Zaynuddinov (37), Shohruh Shokarimov (38), Mirzohid Xaydarxo'jaev (40) – Sarvar Shoahmedov (37)

Ogohlantirishlar: Shohruh Shokarimov (10), Xurshid Najimov (31) – Amirjon Sa'dullaev (10), Jamoliddin Normirzaev (11), Dilmurod Shavkatov (16), Klim Tugaev (40).

NEFTChI – AGMK – 2:3 (1:2). 104 tomoshabin.

Hakamlar: Sultonmurod Abdurahmonov, Rustam Tog'aev, Shavkat Muhiddinov

Nazoratchi: Baxtiyor Namozov

Komissar: Rustam Zuparov

Gollar: Dostonbek Bobojonov (20), Diyor Karimov (38) – Davlat Ibrohimov (2), Muzaffar Ahadjonov (20), Artur Yunusov (29)

Ogohlantirish: Yo'q – yo'q.