Stranja-2022. 23 fevral kuni Hasanboy Do'stmatov va yana 4 nafar o'zbekistonlik bokschi jang qiladi

Bolgariyaning Sofiya shahrida boks bo'yicha xalqaro an'anaviy Stranja Kubogi musobaqasining to'rtinchi kungi bahslari 23 fevral, chorshanba kuni bo'lib o'tadi.

23 fevral kungi janglarda besh nafar o'zbekistonlik bokschi ringga chiqadi. Bular:

Erkaklar:
-51 kg: Hasanboy Do'stmatov – Evgeniy Martinov (Rossiya);
-75 kg: Saidjamshid Ja'farov – Majd Alsafadi (Shvetsiya);
+92 kg: Lazizbek Mullajonov – Yaroslav Doronichev (Rossiya).

Ayollar:
-57 kg: Sitora Turdibekova – Darya Abramova (Rossiya);
-75 kg: Mavluda Mavlonova – Anastasiya Shamonova (Rossiya).

Ayollar o'rtasidagi bahslar Toshkent vaqti bilan 17:00 dan so'ng boshlansa, erkaklar o'rtasidagi janglar 21:00 dan keyinga belgilangan.

Eslatib o'tamiz, musobaqaning birinchi kungi bahslarida olti nafar o'zbekistonlik bokschi jang qildi va barchasi g'alaba qozondi. Ikkinchi kungi bahslarda Hasanboy Do'stmatov jangsiz keyingi bosqichga yo'l olgan bo'lsa, yana 4 nafar bokschi o'z jangini g'alaba bilan yakunladi. 22 fevral kungi bahslarda 4 o'zbekistonlik bokschi ringga ko'tarildi. Abdumalik Halokov, Odiljon Aslonov va Madiyor Saidrahimov keyinga bosqichga yo'l olgan bo'lsa, Rayhona Qodirova Kosovo vakiliga yutqazib qo'ydi.