Kovachich: "Tuxel buni o'zgartirdi"

"Chelsi" yarim himoyachisi Mateo Kovachich jamoa bosh murabbiyi Tomas Tuxel haqida fikr bildirdi.

"Har qanday klubdagi o'yinchi kabi "Chelsi"da ham yaxshi va yomon lahzalarni o'tkazdim. Tuxel jamoaga kelgach, hammasi o'zgardi. Hozir barchasi menga to'g'ri keladi - o'yin uslubi ham, mashg'ulotlar ham.

Balki avvalgi klublarimdagi murabbiylar menga ishonishmagandir, ammo Tuxel bilan barchasi boshqacha. Men shaharni va klubni yaxshi ko'raman. Bu erda har tomonlama rivojlanyapman", - dedi Kovachich klub rasmiy saytiga.