"Barselona" argentinalik yulduz bilan tekinga shartnoma imzolashi mumkin

"Yuventus" hujumchisi Paulo Dibala yozgi transferlar vaqtida boshqa jamoaga o'tishni rejalashtiryapti.

Ispaniyaning "Sport" nashri bergan ma'lumotlarga ko'ra, "keksa sinora"ning argentinalik yulduzi jamoa taklif qilgan yangi shartnomadan ko'ngli to'lmagan. Endi Dibalaning agenti unga yangi jamoa qidirmoqda. Futbolchining o'zi "Barselona"ga o'tishga qarshi emas.

Qayd etish joiz, 28 yoshli hujumchi joriy mavsum barcha turnirlarda 20 ta uchrashuvda maydonga tushib, 7 gol va 5 golli uzatmani amalga oshirdi. Uning turinliklar bilan amaldagi shartnomasi joriy mavsum yakunida nixoyasiga etadi.