UEFA Rossiya-Ukraina mojarosi borasida bayonot berdi

UEFA Rossiya va Ukraina davlatlari o'rtasidagi mojaro borasida bayonot berdi.

«UEFA vaziyatni muntazam ravishda va diqqat bilan kuzatmoqda. Ehtiyoj tug'ilsa, har qanday qaror o'z vaqtida qabul qilinadi. Hozircha esa UEFAda bu borada hech qanday izoh yo'q», – deya bayonot tarqatdi tashkilot.

Avvalroq Britaniya matbuoti Evropa chempionlar ligasi-2022 finali Sankt-Peterburgdan boshqa shaharga ko'chirilishi mumkinligi haqida xabar tarqatilgandi.

UEFA «Dinamo Kiev» va «Sporting» yoshlar jamoalari o'rtasidagi uchrashuv 9 mart sanasiga ko'chirilganini tasdiqladi.