Mbappe "PSJ" bilan shartnomasini ikki mavsumga uzaytirishi mumkin. Madridliklar boshqacha fikrda

Hujumchi Kilian Mbappe hamon kelajagi haqida bir qarorga kelmagan. RMC Sport xabariga ko'ra, "PSJ" unga ikki yillik shartnoma taklif qilmoqda.

23 yoshli frantsiyalik futbolchiga "Real"dan ham taklif bor. Shu bilan birga, Madrid klubi hujumchini tekinga olishiga ishonchi komil va mavsum oxirida uning transferini e'lon qilishni rejalashtirmoqda.

Mbappening o'zi o'ylashda davom etmoqda. Manba bergan xabarga ko'ra, futbolchini masalaning moliyaviy tomoni qiziqtirmaydi. Uning uchun asosiy jihat - bu klubning ambitsiyasi va raqobatbardoshligi.

Mbappe joriy mavsumda "PSJ" safida 33 o'yinda 22 gol urdi va 16 golga assistentlik qildi. Uning klub bilan shartnomasi 2022 yilning 30 iyuniga qadar mo'ljallangan.