"Real" Vinisius va Militaoning tovon pulini bir milliard evroga oshirmoqchi

Madridning "Real" klubi yaqin kelajakda himoyachi Eder Militao va hujumchi Vinisius Junior bilan shartnoma imzolamoqchi. Goal.com portalining xabar berishicha, madridliklar braziliyaliklar bilan 2026/2027 yilgi mavsum oxirigacha shartnoma imzolamoqchi.

Shu bilan birga, "qaymoqranglilar" nafaqat futbolchilarning maoshini, balki tovon pulini ham oshirishni, ularni bir milliard evro darajasida belgilashni kutishmoqda.

Madridning "Real" klubi ayni damda Ispaniya chempionatida peshqadamlik qilmoqda. Karlo Anchelotti shogirdlari navbatdagi o'yinni 26 fevral, shanba kuni o'tkazadi. “Qaymoqranglilar”ning raqibi “Rayo Valekano” bo'ladi.