Ramos yozda «Real»ga qanday moliyaviy shartlar qo'ygani ma'lum bo'ldi

Himoyachi Serxio Ramos 2021 yilning yozida "Real" bilan yangi shartnoma borasida kelisha olmasdan, jamoani erkin agent sifatida tark etganidan xabaringiz bor.

Sport.es tarqatgan xabarga ko'ra, "el-kapitano" "qaymoqranglilar" safida «Barselona» himoyachisi Jerar Pike kabi katta miqdorda maosh olishni istagan. Pikening "ko'k-anorranglilar"dagi maoshi soliqlarni chiqarib tashlamagan holda 28 million evroni tashkil qilgani haqidagi xabar Ramosning xalovatini buzgan. U uzoq yillar davomida Jerarga nisbatan kam maosh olib kelganidan xafa bo'lgan.

Ramos "Qirollik klubi" prezidenti Florentino Peres bilan kelisha olmagach, yozda jamoani tark etdi va "PSJ" bilan shartnoma imzoladi. U joriy mavsumda bor-yo'g'i 4ta o'yinda ishtirok etib, bitta gol urdi.