Mourinoni diskvalifikatsiya kutmoqda

"Roma" Italiya A Seriyasining 26-turida "Verona" jamoasiga qarshi o'tkazilgan uchrashuvda 2:2 hisobida durang o'ynadi.

Biroq, "bo'rilar" o'yinni jamoa bosh murabbiyi Joze Mourinosiz yakunlandi. Chunki, uchrashuv bosh hakami turinlik Luka Payretto o'z nomiga nomaqbul so'zlar aytgani uchun Mourinoga qizil kartochka ko'rsatdi.

Italiya matbuoti a A Seriya tartib-intizom qo'mitasi shubhasiz bu epizodni e'tibordan chetda qoldirmadi, shuning uchun portugaliyalik murabbiyning Femida vakiliga aytgan so'zlarining og'zaki talqini tezda paydo bo'ldi.

"Ular seni Turindan yuborishdi! Seni "Yuventus" yubordi!", — dedi Mourino texnik zonada turib.

A Seriya tartib-intizom qo'mitasi ushbu vaziyat uchun portugaliyalik mutaxassisni 2 yoki 3 ta o'yinga chetlatishi kutilmoqda.