Kulusevski: «Yuventus»dagi so'nggi oylar men uchun og'riqli bo'lgan»

Deyan Kulusevski «Yuventus»dagi so'nggi oylar u uchun og'riqli bo'lganini aytdi.

Yarim himoyachi yanvar oyida «Tottenxem»ga ijaraga berilgan edi va kecha «Manchester Siti»ga qarshi o'yinda o'zining debyut golini urdi (3:2).

«Oxirgi oylarda men juda ko'p azob chekdim. O'zimni kerakli joyida emasdek his qilardim.

Men xotirjam bo'lishim va ko'p narsalarni o'ylamasligim kerak edi.

Konte bilan ishlash ajoyib, u faqat g'alaba qozonishni xohlaydi. Agar u g'alaba qozonmasa, kayfiyati tushib ketadi. Biz qattiq mehnat qilamiz va murabbiyni tinglashimiz kerak. Shunda hammasi yaxshi bo'ladi», - dedi yarim himoyachi.