«Latsio» etakchisiga yangi shartnoma taklif qiladi

Rimning «Latsio» klubi rahbariyati Chiro Immobile faoliyatini yakuniga qadar klubda qolishiga umid qilmoqda. «Burgutlar» kelasi yil o'z hujumchisiga yangi shartnoma taklif qilishi kutilmoqda.

Immobilening «Latsio» bilan amaldagi shartnomasi 2025 yilda yakuniga etadi. Chironing o'zi aynan Rim klubi futbolchisi maqomida butsasini mixga ilib qo'yishga qarshi emas.

O'z vaqtida Immobile Germaniya va Ispaniya chempionatlarida o'zini yaxshi sinab ko'rgan. Ammo, u «Latsio»da o'zini to'liq potentsiyalini ko'rsata oldi va hatto «Oltin butsa»ni ham qo'lga kiritdi.