Lempard buni tan oldi

«Everton» bosh murabbiyi Frank Lempard jamoasi APLda jon saqlab qolish uchun kurashayotganini tan oldi. Ayni damda «irislar» Premer-liga turnir jadvalida atigi 16-o'rinni egallab turibdi.

«Menimcha, bu mantiqiy, shunday emasmi? Jadvalga qarab, bizning pozitsiyamizga qarshi chiqish ahmoqlikdir. «Everton» jon saqlab qolish uchun kurashmoqda, hozirgi holat aynan shunday. Biz vaziyatni yaxshilash ustida ishlayapmiz. «Lids»ni mag'lub etganimizda, vaziyat yanada qizg'in ko'rinardi. Endi hammasi o'zgardi va biz yana katta bosim ostidamiz. Barqarorlik kerak», - deydi murabbiy.

Eslatib o'tamiz, kecha, «Everton» safarda «Sautgempton»ga mag'lub bo'lgandi.