Noyer sog'ligi va operatsiyadan keyin tiklanishi haqida gapirdi

«Bavariya» va Germaniya terma jamoasi darvozaboni Manuel Noyer sog'lig'i va operatsiyadan keyingi tiklanish jarayoni haqida gapirdi.

«Menda hammasi yaxshi! Tiklanish rejaga muvofiq ketmoqda. Hammasi yaxshi tomonga o'zgarmoqda»,  — deb yozdi nemis instagramdagi sahifasida.

Noyer 6 fevral kuni o'ng tizzasini operatsiya qildi. Dastlabki ma'lumotlarga ko'ra, u taxminan bir oyni o'tkazib yuboradi.

Joriy mavsumda darvozabon «Bavariya» safida 28 ta o'yinda maydonga tushib, 28 ta gol o'tkazib yuborgan.