Roy Kin ingliz klubini boshqarishdan bosh tortdi

«Manchester Yunayted»ning sobiq sardori Roy Kin «Sanderlend»ni boshqarishdan bosh tortdi.

The Sun nashri xabariga ko'ra, 2006 yildan 2008 yilgacha «qora mushuklar»ga ustozlik qilgan 50 yoshli mutaxassis taklif qilingan shartnoma muddati yoqmadi. Irlandiyalik murabbiyga atigi bir mavsum jamoani boshqarish taklif qilingan.

Kin oxirgi marta 2011 yilda (Ipsvich) bosh murabbiy sifatida klubni boshqargan edi. Shundan so'ng u Irlandiya terma jamoasi (2013-2018), «Aston Villa» (2014) va «Nottingem Forest» (2019) klublarida yordamchi murabbiy bo'lib ishlagan.