"Real"ning asosiy maqsadlari o'zgarmagan

Kilian Mbappe va Erling Xoland "Real Madrid"ning yozgi transferlar vaqtidagi asosiy maqsadi hisoblanadi.

"Marca" nashri xabariga ko'ra, Madrid klubi yaqinlashib kelayotgan transfer oynasida hech qanday jiddiy o'zgarishlarni rejalashtirmayapti.

Klub bor etiborini hujum chizig'ini kuchaytirishga qaratgan. "Real Madrid"ning ustuvor vazifalari - "PSJ"dan Mbappeni sotib olish va "Borussiya Dortmund"dan Xolandning ehtimoliy transferi.

"Qaymoqranglilar" bu ehtimoliy transferlar uchun faqat boshqa variantlarni ko'rib chiqishi mumkin. Shuningdek, jamoa qanot himoyachisi va yarim himoyachi ham sotib olishi mumkin, ammo bu transferlar jamoaning hozirgi futbolchilarining sotilishiga bog'liq.