Badjo haligacha JCh-94dagi mag'lubiyatda o'zini ayblaydi (video)

Italiya terma jamoasi sobiq hujumchisi Roberto Badjo 1994 yilgi Jahon chempionatining finalidagi mag'lubiyatda haligacha o'zini aybdor deb his qiladi.

Badjo o'shanda penaltilar seriyasidagi so'nggi 11 metrli nuqtani noaniq amalga oshirgandi. Shuningdek, Badjo vaqt tez o'tib borayotganidan va yoshi katta bo'layotganidan afsusda ekanligini yashirmadi.

«O'zimni nimada aybdor deb his qilamanmi? Men Pasadendagi penaltini unuta olmayman. Afsuski, yillar hamma uchun seziladi va tez o'tadi. Ammo ularga qarshi turish uchun insonda kuch bo'lishi kerak. Mening fikricha, vaqt juda tez o'tmoqda. Ehtimol, yosh, majburiyat, barcha-barchasi avvalgiga qaraganda tezroq ishlayotganga o'xshaydi.

Yaxshiyamki, dunyoning ko'plab joylari do'stlarim bor, ulardan do'stlik, sevgi xabarlarini olaman, shuning uchun men bundan juda xursandman. Ko'p yillardan beri futbol o'ynamayotgan bo'lsamda, insonlarning muhabbatidan hayratdaman. Bu men uchun futboldan qolgan eng go'zal va yoqimli narsadir. Agar siz oddiy narsalarni qadrlasangiz kuni bilan xayajonda yurasiz», - dedi Badjo Rai2 bilan suhbatda.