Xavi: "Agar bu menga bog'liq bo'lsa, o'yin boshlanishini keyinroqqa qoldirgan bo'lardim"

20 fevral kuni Ispaniya La Ligasining 25-turi doirasidagi o'yinda "Mestalya" stadionida "Valensiya" "Barselona"ni qabul qiladi. Uchrashuv Toshkent vaqti bilan 20:15 da boshlanadi.

Kataloniya klubi bosh murabbiyi Xavi bo'lajak o'yindan oldingi fikrlari bilan o'rtoqlashdi.

"Agar bu menga bog'liq bo'lsa, o'yin boshlanishini keyinroqqa qo'ygan bo'lardim. Albatta, bu "Napoli"ga qarshi keskin o'yindan keyin eng yaxshi stsenariy emas, lekin biz norozi emasmiz.

Har bir o'yin ko'p narsani anglatadi. Mavsum yakunida kuchli to'rtlikka kirishimiz kerak. G'alaba biz uchun juda muhim."Valensiya" o'z o'yinini belgilab beradi, ularda ajoyib murabbiy bor. Bu juda qiyin va keskin o'yin bo'ladi", - deya Xavi so'zlarini keltiradi Marca.

"Valensiya" Ispaniya chempionatining 24 uchrashuvida 30 ochko jamg'arib, turnir jadvalida 12-o'rinda bormoqda. "Barselona" 23 o'yinda 39 ochko bilan oltinchi o'rinda bormoqda.