Tuxel: "Afsuski, "Chelsi" bu mavsumda "Liverpul" bilan boshqa o'ynamaydi"

"Chelsi" bosh murabbiyi Tomas Tuxel jamoasining Angliya Premer-ligasi turnir jadvalida "Liverpul"ga etib olish imkoniyatlarini baholadi.

"Bu chempionatda endi ular bilan o'ynamasligimiz achinarli. Ayni paytda ular juda kuchli ko'rinadi. Qolaversa, bu qishda ular jamoasini yanada kuchliroq qiladigan iqtidorli futbolchini qo'lga kiritishdi.

Biz taslim bo'lmaymiz. Ularga etib olishning iloji yo'q deb aytmayman, lekin biz buni o'z o'yinimizni yaxshilash, uslubimizga qaytish va natijalarda barqarorlikka erishish orqaligina amalga oshirishimiz mumkin.

"Liverpul" yoki "Manchester Siti"ning natijalariga qarashimiz shart emas. Ishimiz etarli. Biz o'z o'yinimizni yaxshilashimiz kerak va shu erdan boshlashimiz kerak", dedi Tuxel "Chelsi" rasmiy saytiga.