Benzema La Liganing joriy mavsumida hozircha 27 ta golda ishtirok etdi

"Real Madrid" hujumchisi Karim Benzema Evropaning top-5 chempionatlarida gollarda ishtirok etish bo'yicha "Bavariya" hujumchisi Robert Levandovski bilan etakchilikni bo'lishib turibdi.

"Real" hujumchisi La Liga doirasida "Alaves"ga qarshi o'yinda (3:0) ikkita golli uzatmani amalga oshirdi va penaltini golga aylantirdi.

Endi uning hisobida Ispaniya chempionatida “goll + pas” tizimida 27 ochkosi bor (18 ta gol, 9 ta golli uzatma). "Bavariya" safida to'p tepayotgan Levandovski ham Bundesligada shu tizimda bir xil (26 ta gol, 1 ta assist) ochkoga ega.

Ular bu ko'rsatkich bo'yicha Evropaning beshta etakchi chempionatlaridagi barcha futbolchilar orasida etakchilik qilmoqda.