«PSJ» Pogbaning talablarini qondirishga tayyor

Angliyaning «Manchester Yunayted» klubi yarim himoyachisi Pol Pogba yozgi transfer oynasida Frantsiyaning «PSJ» klubi futbolchisiga aylanishi mumkin. Bu haqda Todofichajes nashri xabar bermoqda.

Manbaning xabariga ko'ra, «PSJ» 28 yoshli futbolchiga 1 mavsum uchun 16 million evro maosh to'lashga, shuningdek, unga 2027 yilgacha shartnoma taklif qilishga tayyor. Shuningdek, avvalroq Pogbaga qiziqish bildirgan «Yuventus» frantsuzning moliyaviy talablari tufayli transferni yakunlay olmaydi.

Ma'lumot o'rnida, futbolchi mavsum oxirida «Manchester Yunayted» bilan shartnomasi tugashi sababli erkin agent sifatida yangi jamoasiga o'tadi.